Alejandro Fernández Pumariño, Premio de Humanidades José Castiñeira

O que fora Presidente da Fundación Preescolar na Casa, Alejandro Fernández Pumariño ven de ser galardonado co Premio de Humanidades José Castiñeira. Esta iniciativa está organizada polo Orfeón Lucense, a catedral de Lugo e o obispado de Lugo para recoñecer a persoas ou entidades que, pola súa traxectoria, disposición e dedicación, se distinguen polo seu labor humanístico, nas artes ou nas letras, en favor da convivencia social e na mellora das relacións humanas.

O xurado entregou o premio a Alejandro Fernández Pumariño "pola súa dedicación social e labor solidaria". Destacan o seu labor en Cáritas como presidente durante dezasete anos. Así mesmo, o galardón tamén recoñece a participación de Alejandro Fernández Pumariño como presidente da Fundación Preescolar en Casa.

Os que coñecemos a Alejandro e sabemos do seu bo facer estamos de noraboa: un premio ben merecido.

Deixamos aquí os seguintes enlaces do diario El Progreso:

El letrado lucense Pumariño recibe un premio por su gran labor social 

Alejandro Pumariño: La abogacía me dio satisfacciones, pero la labor solidaria te enriquece a nivel personal

O silencio de Pumariño

(Foto de El Progreso)

Un roteiro de educación ambiental coa Asociación Socioeducativa Antonio Gandoy

A Asociación socio-educativa Antonio Gandoy en colaboración co distrito forestal IX Lugo-Sarria da Consellería de Medio Rural organizou hoxe un roteiro nos lagos de Teixeiro (Lugo) de dificultade baixa (1 km) e unha exhibición para os máis pequenos con motobomba e brigadas forestais.

Esta actividade gratuita para familias participantes nos Espazos da Asociación servíu tamén para agradecer o encomiable labor deses bombeiros forestais que tanto axudan a presrvar o noso patrimonio natural. Porque coñecer e coidar a natureza e o contorno máis próximo debe ser un dos obxectivos da educación.

Un verxel sensorial no horto da Asociación socioeducativa Antonio Gandoy

Deixamos aquí un enlace a La Voz de Galicia onde se recolle unha actividade da nosa Asociación co apoio do programa de educación ambiental Voz Natura. Unha actividade que continuou na casa, xa que coas acelgas fixemos unha exquisita crema de verduras coa que nos chupamos os dedos. Un horto aromático que fixo a delicia de nenos, nenas e adultos.

Xornada de formación na Asociación Socioeducativa Antonio Gandoy: os medos na infancia

Este sábado 29 de marzo, a nosa compañeira Cristina Feijoo impartirá a xornada de formación: "Teño medo. Acompañando os medos da infancia respectuosamente", dirixida a familias con nenos e nenas de 0 a 6 anos. Será ás 11:00 h no local da Asociación.

BO NADAL E FELIZ 2025

A Asociación Socioeducativa Antonio Gandoy deséxavos 

BO NADAL E FELIZ 2025

A educación é a arma máis poderosa para transformar o mundo 

(Nelson Mandela)

Que calen todas as armas menos esa.

O concello de Arzúa aproba unha subvención para o desenvolver un Espazo das Familias durante o ano 2024

 Como ven sucedendo dende que a Asociación socioeducativa Antonio Gandoy tomou o relevo de Preescolar na Casa no desenvolvemento de proxectos encamiñados a promover no ámbito familiar unha educación que capacite á persoa para comprender a realidade, intervir nela e vivir en harmonía consigo mesmo, cos demais e coa natureza, o concello de Arzúa, ven de comunicar a concesión de unha subvención nominativa por importe de 1.700 euros para continuar levando a cabo un Espazo das Familias nese concello.

Grazas ao apoio económico dos concellos, as familias que forman parte dos Espazos das Familias ven reducida a súa cota trimestral, o que favorece a súa participación; así mesmo, aquelas familias que pasan un difícil momento económico, poden acadar a participación, mesmo de xeito gratuíto. Sin estas axudas das insitiucións municipais, non sería posible levar a cabo este proxecto, polo que é xusto manifestar a nosa gratitude.

Benvidas, queridas Rabechas!

 

Este sábado, 16 de novembro de 2024, ás 11'00, no local da Asociación, situado en Garaballa de Arriba, 9 de Lugo (ao carón colexio do CEIP Albeiros) terá lugar a charla-debate: "Benvidas queridas rabechas", impartida pola nosa compañeira orientadora Cristina Feijóo Varela.

Poderán participar tódalas persoas interesadas, e contaremos con servizo de garda para as crianzas no tempo que dure a charla