Festa Xogueteira da Asociación socioeducativa Antonio Gandoy

Onte 30 de xuño celebramos no campo da feira de Gomeán, no Corgo a tradicional Festa Xogueteira da Asociación. Música, xogos, experimentación e boa compañía son os ingredientes desta xornada educativa. Familias, nenas e nenos, gozaron dunha marabillosa tarde compartida nun espazo inmellorable. 

Aí vén o maio

O pasado venres, día 8 de maio, celebramos Os Maios no local da Asociación Socioeducativa Antonio Gandoy. Como o tempo non acompañou, nesta ocasión tivemos que facelo dentro. Aínda así, as familias gozaron da actividade  que estivo musicada por Branca Villares e Pablo Pintor.

Tradición, cultura, divertimento e aprendizaxe camiñan da man con esta proposta educativa.

Falando de límites na Asociación Socioeducativa Antonio Gandoy

O pasado 09 de maio tivo lugar unha charla sobre límites na nosa Asociación: "DEBO POÑER LIMITES? SÍ, POR FAVOR!!!". A nosa compañeira Cristina Feijoo falou da enorme importancia de poñer límites aos nosos fillos e fillas.

O Son que me arrola, da Asociación Socioeducativa Antonio Gandoy

O pasado sábado, 14 de marzo de 2026, as nosas compañeiras artistas, estiveron en Pontevedra realizando dous pases de "O Son que me Arrola" dentro do marco do Salón do Libro de Pontevedra. 

Comeza así a xira deste ano que ten, a estas alturas pechadas, ademais, as seguintes actuacións: 

6 Abril Luns (1 pase G. Agra de Orzán)+2 pases Apego Coruña.

24 de Abril venres(1 pase G. Os Cativos- A Coruña)+2 pases Apego Pontevedra)

30 Abril xoves (1 pase G. A Caracola-A Coruña)

15 Maio venres (2 pases G.luís Seoane e Monte Alto-A Coruña) 

22 de Maio venres (2 pases G. Arela-A Coruña)

29 de Maio venres( 2 pases G. Os Rosales-A Coruña)

5 de Xuno (2 pases Carricanta-A Coruña)

Un total de 10 actuacións nas garderías municipais de A Coruña; e 4 dentro do programa APEGO. (Descrición Planomato)

O Son que me Arrola é unha proposta musical que ofrece a posibilidade de achegar aos máis pequenos a cultura tradicional galega, da man dos cantos de berce, rimas e a instrumentación.

O Son que me Arrola ofrece tamén a posibilidade dun espazo lúdico onde a familia pode experimentar e manipular os diferentes instrumentos de percusión e outros realizados con materiais de refugallo.

Os OBXECTIVOS desta actividade son:

• Achegar a música ás familias, principalmente a de tradición oral galega.
• Ofrecer a posibilidade de experimentar e manipular con diferentes instrumentos.
• Impulsar actividades axeitadas para o tramo de idade 0-6 anos.

 Bo Nadal e Feliz 2026 a todos e todas!!!

O Apalpador en Lugo

Mañá 20 de decembro, o Apalpador pasará por Lugo a partir das 17:00 horas, cheo de ledicia, ilusión e actividades para os máis pequenos. A nosa Asociación, entre outras, estará con recantos de xogos para nenas e nenos.

Bo Nadal!!!

Olalla Otero, orientadora nos Espazos das Familias da Asociación Socioeducativa Antonio Gandoy, na Voz de Galicia

"Olaia Otero, mestra de educación infantil e facilitadora de disciplina positiva, explica que os nenos teñen practicamente un 100 % de posibilidades de ser un dos tres elementos que participan no acoso: o acosador, a víctima ou o público". Deixamos aquí esta entrevista publicada na Voz de Galicia á nosa compañeira Olaia Otero.