Desenvolvemento afectivo-sexual na Asociación sSocioeducativa Antonio Gandoy

O vindeiro mes terá lugar no local da nosa Asociación (Garaballa de Arriba, 9, Lugo, ao carón deo CEIP de Albeiros), unha charla obradoiro moi interesante impartida polo Colexio de Enfermería de Lugo. 

Así, o sábado 07 de novembro ás 11:00 horas falaremos do desenvolvemento afectivo - sexual, un campo que moitas veces desatendemos na difícil tarefa de educar aos nosos fillos e fillas. 

Está charla está dirixida especialmente a familias con nenos e nenas de 5 a 7 anos. As familias que desexen participar deberanse poñer en contacto coa Asociación aquí.

Charla sobre disciplina positiva

O vindeiro venres 16 de outubro, ás 18:00 horas no CEIP de Nadela, a nosa compañeira Olaia Otero, mestra de Educación Infantil falará coas asistentes sobre disciplina positiva, nun espazo para comprender que hai detrás das condutas infantís e descubrir diferentes formas de acompañar aos nosos fillos e fillas na marabillosa e ás veces difícil tarefa de educar. 

Porque a importancia de poñer límites é máxima, pero, como facelo? Desta cuestión, así como doutras relacionadas falaremos coas nais, pais e persoas interesadas. 

Para inscribirvos na xornada, debedes cubrir este formulario.

Charla sobre os límites na primeira infancia

O vindeiro sábado, día 3 de outubro de 2026 terá lugar no Centro sociocultural de Becerreá unha charla impartida pola nosa compañeira Cristina Feijóo Varela, que leva por título: "Debo poñer límites? Sí, por favor!", dirixida ás familias e persoas interesadas, con crianzas menores de seis anos.

Convidamos a tódalas familias interesadas a participar nesta xornada de formación na que terán ocasión de poñer en común con outras familias as súas preocupacións e inquedanzas respecto á educación das súas fillas e fillos

"Espazo das Familias" no concello de Castroverde.

 

Comezamos un novo curso no concello de Castroverde, xuntándonos tódolos mércores pola tarde, a partires das 17:00 horas, no Centro sociocultural Paco Pestana.

Nestes encontros semanais, as familias con crianzas pequeniñas, de cero a seis anos, teñen a oportunidade de reflexionar, debater, compartir e formarse arredor da educación infantil familiar, mellorando, así a súa práctica educativa diaria.

Os Espazos das Familias son unha oportunidade para falar de cuestión tan presentes non día a día como as rabechas, os límites, os conflitos, as emocións... para reflesionar sobre como acompañamos aos nenos e as nenas durante o seu desenvolvemento.

Un espazo para parar, reflexionar, comprender o que hai detrás das condutas infantís, descobrir outras maneiras de acompañar e coñecer ferramentas prácticas que as familias poidan levar ao seu día a día

No Espazo das Familias, durante o curso pasado, participaron un total de cinco familias, con seis crianzas que aprenderon, descobriron e compartiron un tempo de lecer moi productivo e satisfactorio. Este Espazos se leva a cabo coa colaboración do concello que concedeu unha subvención para o co-financiamento do proxecto por importe de 1.388,30 €.

Comezamos un novo curso

Comeza un novo curso, e xa están en marcha os "Espazos das Familias" en distintos concellos da nosa Comunidade Autónoma. Os Espazos das Familias constitúen un lugar e un tempo de encontro, semanal, para a formación de nais e pais sobre a primeira infancia das súas fillas e fillos. Son tamén, un espazo para o encontro e intercambio de experiencias, onde uns aprendemos dos outros e as nenas/os poden xogar con iguais. 

A través das diversas actividades e mediante a observación, as familias poden chegar a coñecer e comprender o desenvolvemento dos seu
s fillas e fillos, enriquecendo a súa relación e dando respostas axeitadas ás súas necesidades e posibilidades. No Mapa de actuación que hai á esquerda desta páxina podes ver os Espazos xa previstos (que se irán ampliando).

Ponte en contacto con nos si precisas mais información. 

O Son que me arroupa, no CAM de Pol

O pasado 1 de xullo a Asociación socioeducativa Antonio Gandoy visitou o Centro de Atención a Persoas Maiores (CAM) da Deputación de Lugo no concello de Pol. Alí compartimos O Son que me arroupa, actividade que conxuga música e tradición cos nosos maiores, nunha actividade conxunta na que gozamos todos os participantes. Deixamos aquí o enlace.

Festa Xogueteira da Asociación socioeducativa Antonio Gandoy

Onte 30 de xuño celebramos no campo da feira de Gomeán, no Corgo a tradicional Festa Xogueteira da Asociación. Música, xogos, experimentación e boa compañía son os ingredientes desta xornada educativa. Familias, nenas e nenos, gozaron dunha marabillosa tarde compartida nun espazo inmellorable.