17 de maio de 2021

Tamén celebramos o Día das Letras

Na Asociación Socioeducativa Antonio Gandoy estamos fondamente convencidos do valor da lingua propia non só na educación, senón en todos os ámbitos da vida. 

E hoxe, 17 de maio, Día das Letras dedicado a Xela Arias, deixamos un texto de Valentín Arias (pai de Xela) que a Real Academia Galega fixo público co motivo do 21 de febreiro, Día da Lingua Materna:

XELIÑA FALA GALEGO

"A diversidade lingüística é unha riqueza ameazada a nivel mundial, (...) conta a experiencia como nena criada en galego da súa filla Xela Arias (1962-2003), a quen a Academia lle dedica este ano o Día das Letras Galegas".

15 de maio de 2021

Plantando o horto aromático na Asociación Socioeducativa Antonio Gandoy

Estes días pasados, coa primavera no seu máximo esplendor,  tocou plantar o horto aromático: lavanda, menta, perexil, albahaca, valeriana, menta, melisa, ourego, …, toda unha experiencia para os sentidos.

Aínda que coas máscaras non podemos ulir como nos gustaría, con esta actividade, ademais do sentido do olfacto, nenos e nenas desenvolven o sentido do tacto. E pasando uns momentos moi agradables en compañía, os máis pequenos aprenden a valorar e respectar as plantas,  a  manexar utensilios como a pala ou a regadeira, …, e a desenvolver as capacidades de observación e experimentación.

E o ciclo de natureza e da vida estará máis presente que nunca: xuntos veremos como día a día, o horto medra.

Aprendizaxe significativo ao cen por cen!!



24 de abr. de 2021

Os Xogos na educación, charla da Luisa Rey, Presidenta da Asociación Socioeducativa Antonio Gandoy no foro "A educación, a análise"

Deixámosvos aquí a charla que mantiveron a xornalista Sabela Corbelle coa Presidenta da Asociación Socioeducativa Antonio Gandoy, Luisa Rey o pasado venres, titulada "Os Xogos na educación".

Esta charla é a terceira entrega do foro "A educación a análise", do diario El Progreso en colaboración coa Concellería de Educación e difusión do coñecemento do Concello de Lugo.

Estas charlas poden seguirse a través de www.elprogreso.es e da canle de youtube de El Progreso.

Neste enlace podedes ver a presentación do foro no diario El Progreso.

20 de abr. de 2021

A educación, a análise, con Ramses Pérez

Deixamos aquí a segunda das charlas do foro "A educación a análise", do diario El Progreso en colaboración coa Concellería de Educación e difusión do coñecemento do Concello de Lugo,  e onde participará a Presidenta da Asociación Socioeducativa Antonio Gandoy, Luisa Rey o venres 23 ás 12:30 h.

Estas charlas poden seguirse a través de www.elprogreso.es e da canle de youtube de El Progreso.

Neste enlace podedes ver a presentación do foro no diario El Progreso.

Ramsés Pérez, educador ambiental e coordinador de programas e proxectos de educación ambiental charla coa xornalista Sabela Corbelle:



11 de abr. de 2021

A Presidenta da Asociación Socioeducativa Antonio Gandoy, no Foro El Progreso: A educación a debate

O diario El Progreso, coa colaboración da Concellería de Educación e difusión do coñecemento do Concello de Lugo, organiza unha serie de encontros onde se debate sobre educación. 

Catro charlas telemáticas que abranguen dende a educación de 0 a 3 anos ata a educación universitaria.

Luisa Rey, Presidenta da Asociación Socioeducativa Antonio Gandoy estará neste foro xunto a María Fe Blanco, profesora de Educación Primaria, Ramsés Pérez, educador ambiental e coordinador de programas e proxectos de educación ambiental e Montserrat Valcárcel Armesto, vicerreitora de Coordinación do Canpus de Lugo da USC.

A nosa compañeira estará o venres 23 ás 12:30 h.

Estas charlas poden seguirse a través de www.elprogreso.es e da canle de youtube de El Progreso.

Neste enlace podedes ver a presentación do foro no diario El Progreso.

Deixamos aquí a primeira destas charlas do xornalista Arsenio Coto con María Fe Blanco García mestra de Primaria no Colexio da Ponte e cun traballo de educación temperá desenvolto en proxectos solidarios en varios países.

17 de feb. de 2021

A Asociación Socioeducativa Antonio Gandoy coa Plataforma Pediatras e matronas Xa

A Asociación Socioeducativa Antonio Gandoy apoia a loita dun grupo de nais e pais que están a pelexar polo dereito fundamental ao acceso a unha sanidade pública de calidade para nenas e nenos, ante a precaria situación do servizo sanitario do rural galego. A alarmante falta de pediatras e matronas, xenera un problema no día a día que compre evitar. Na web de AGAM (Asociación Galega de Matronas) expóñense as razóns desta demanda. Se queremos un rural vivo, ter servizos de calidade é imprescindible.

Deixamos aquí este vídeo da Asociación co que nos sumamos a esta demanda: 


11 de feb. de 2021

19 anos sen Antonio Gandoy


Xa fai 19 anos que Antonio Gandoy nos deixou. 19 anos que sendo tanto tempo nos parece tan pouco. Dende a Asociación, que leva o seu nome, non deixamos de lembrar a súa figura, o seu pensamento, e, sobre todo a súa maneira de enfrontarse ás adversidades, buscando solucións que dignifiquen á persoa.

Antonio Gandoy un perseguidor de utopías, que sempre estará nas nosas lembranzas.

Como homenaxe, deixamos este enlace que atopamos que nos leva a unha web onde se fala da estatua que Don Antonio ten en Lugo.