A Asociación Socioeducativa Antonio Gandoy estará no Festival Nubebés. O Festival Nubebés celébrase en Pontevedra no mes de setembro, e esta é a súa sétima edición. Serán dúas intensas fins de semana cheíñas de propostas arredor das artes escénicas, pensadas e dirixidas á cativada da casa.
A Asociación Socioeducativa Antonio Gandoy participará na Casa Azul coa actividade "O Son que me Arrola", o día 22 de setembro, con tres sesións: ás 11:45, ás 17:00 e ás 18:45. A entrada é de balde.
Un festival no que teatro, danza, música, obradoiros, animación de rúa, contacontos, guerra de almofadas e outras propostas van collidas da man.
Un amplo abano de propostas cos obxectivos de aprender xuntos, compartir experiencias e gozar dun tempo de lecer en familia.
O programa de actividades desenvolverase os días 20, 21, 22, 28, 29 de setembro en espazos espallados por toda a cidade: Casa Azul, Teatro Principal, Praza do Teucro, Patronato de Turismo Rías Baixas, Sexto Edificio do Museo de Pontevedra e a sede social do Casino Mercantil.
Dende a Asociación agradecemos á organización ter confiado en nós para estas fermosas actividades.
Ningún comentario:
Publicar un comentario