Rematamos as actividades da Asociación Socioeducativa Antonio Gandoy neste ano 2022 coa Festa Xogueteira adaptada a esta época do ano no local social de Sambreixo-A Ulloa. Esta Festa foi organizada pola Asociación de veciños e financiada pola Área de Cultura da Deputación de Lugo.
A actividade consistiu na dramatización da historia das
viaxes do Apalpador, seguida por unha serie de obradoiros para menos e nenas
que experimentaron con xoguetes e materiais naturais e de refugallo, dos
recomendados polo Apalpador: tacos de madeira, tubos de madeira, corozos de millo,
figuras ensartables... que levaron ás crianzas a construir torres, circuítos, e
mesmo a establecer retos e realizar concursos. Rematamos cun obradoiro de
bolachas de manteiga no que as nenas e os nenos cumpriron á perfección co seu
papel de pasteleiros, e despois de pasar as súas creacións polo forno
realizaron un bo exercizo de degustación das riquísimas bolachas elaboradas por
eles mesmas.
Bo Nadal e Feliz 2023
Ningún comentario:
Publicar un comentario