13 de feb. de 2019

A sociedade demanda Escolas e Talleres para Pais, xustamente o que fai a Asociación Socioeducativa Antonio Gandoy

Deixamos aquí un enlace sobre a importancia de formarse para tentar ser mellores nais e mellores pais. Na Asociación Socioeducativa Antonio Gandoy, non nos cansamos de apostar pola parentalidade positiva. Cando agora se están reclamando Escolas de Pais e Nais, non podemos máis que lembrar que, neste ámbito, Galicia foi pioneira: o programa Preescolar na Casa, do que a nosa Asociación é herdeiro comezou con este concepto aló polo ano 1977 grazas a intuición de Don Antonio Gandoy.

E ese é o noso labor: axudar a ser mellores nais e pais. Podedes poñervos en contacto coa nosa Asociación se queredes máis información.

Collemos algunhas frases literais desta reportaxe:

“… las escuelas o talleres de padres son cada vez más demandadas como herramientas para crecer emocionalmente como personas y aprender a educar y criar porque al fin y al cabo todos educamos con las mejores intenciones, otra cosa es que sepamos cómo hacerlo…”

“… madres y padres tendemos a pensar que algo estamos haciendo mal cuando la educación que damos a nuestros hijos no está teniendo los resultados que esperábamos. Niños rebeldes, también esos niños reyes que saben hasta dónde tensar la cuerda, que saben mucho ya a una edad muy temprana…”

“… no es sencillo ser padre ni tampoco educar a un niño del SXXI…”

“… los padres han necesitado siempre tener herramientas para consultar qué hacer o cómo intervenir en determinadas cosas con los niños. Creo que las escuelas de padres o los talleres han existido toda la vida y creo que es algo que siguen demandando…”

“… solo el hecho de tener a un profesional enfrente les da cierta seguridad y se muestran mucho más receptivos…”

“… estamos cansados de escuchar la típica frase de "los niños no vienen con libro de instrucciones" y por ello siempre lo intentamos hacer lo mejor que sabemos…”

Reportaxe completa en Informativos Telecinco.

11 de feb. de 2019

Antonio Gandoy

Tal día coma hoxe, no ano 2002, despois dunha longa enfermidade, falecía Don Antonio Gandoy.

Non queremos que o seu recordo esmoreza.

Deixamos esta entrada da wikipedia dedicada á súa figura.



23 de dec. de 2018

A Asociación Socioeducativa Antonio Gandoy deséxavos Bo Nadal



Os que formamos a Asociación socioeducativa Antonio Gandoy queremos desexarvos un BO NADAL E FELIZ 2019.

Desexos para todos e todas, para nenos e nenas, para pais e nais, para avós e avoas, para as familias, ... para todos os que fan posible o traballo da Asociación e para todos os que pensan que na educación está a clave para unha vida mellor e para unha sociedade máis libre, máis xusta e máis solidaria. 

Agora é o momento. Don Antonio Gandoy dicía: "Os nenos non agardan". 

PORQUE EN CADA NENA, EN CADA NENO, NACE DE NOVO A HUMANIDADE.

11 de dec. de 2018

Música e traxe tradicional en Baleira da man da Asociación Socioeducativa Antonio Gandoy

A semana pasada a Asociación Socioeducativa Antonio Gandoy desenvolveu unha nova proposta musical: "O Son que me Arroupa".

Nesta ocasión, no CEIP de O Cádavo - Baleira, levouse a cabo un concerto didáctico que conxugou a nosa música co traxe tradicional galego. 

Participaron as familias que conforman o Espazo das Familias que se celebra todos os martes lectivos, así como toda a comunidade educativa do CEIP. Nenos e nenas e as súas familias gozaron das texturas dos nosos traxes da man das rimas e dos cantos de berce.

Esta actividade, así como a desenvolta no propio Espazo realízase  grazas á subvención que no Concello de Baleira concede para tal fin.


26 de nov. de 2018

Antonio Gandoy Díaz e Alejandro Fernández Pumariño, Lucenses Singulares

El diario El Progreso cumpre neste 2018 o seu 110 aniversario, e para celebralo ven de publicar o pasado sábado o volume "110 Lucenses Singulares", un conxunto de homes e mulleres que pasarán á historia de Lugo pola súa importancia e boa labor. 

En palabras de Blanca García Montenegro: " ...sin duda son muchos más los hombres y mujeres vinculados a la provincia de Lugo que merecen ser considerados así...", pero os que están, "...son personajes que en determinado momento de sus vidas, o en el transcurso de toda ella, fueron y son protagonistas de acontecimientos o trabajos fuera de lo común..."

Dúas destas persoas que si están nese "110 Lucenses Singulares" son Don Antonio Gandoy Díaz, fundador de Preescolar na Casa e o referente da nosa Asociación, e Don Alejandro Fernández Pumariño, outra persoa tamén de gran trascendencia para nós. Alegrámonos fondamente deste recoñecemento público.

Felicitamos a El Progreso por esta iniciativa, e a todos e todas aqueles e aquelas que con todo merecemento aparecen nesa publicación.


19 de nov. de 2018

A toda máquina!!

A actividade da Asociación Socioeducativa Antonio Gandoy está a medrar día tras día. Neste curso incorporáronse os concellos de Rois, A Pobra do Caramiñal, Sobrado dos Monxes, Triacastela, O Corgo, Betanzos e Carballo. 

Estaremos tamén compartindo cos alumnos e alumnas do Politécnico de Santiago de Compostela o noso labor educativo.

E seguimos con novas propostas como "O coliño que me arrola", actividade de arrolos para bebés de 3 meses a 3 anos que se suma a "O son que me arrola" e "O son que me arroupa". 

Manterémosvos informados!!!


16 de out. de 2018

Espazos das Familias da Asociación Socioeducativa Antonio Gandoy en Santiago de Compostela

No día de onte tivo lugar unha rolda de prensa na que participaron a Concelleira de Centros Cívicos, Concha Fernández, e mais a presidenta da Asociación, Luísa Rey, e a orientadora Cristina Feijóo.

O obxecto deste encontro cos medios de comunicación foi dar coñecemento de que se poñen en marcha, de novo, os Espazos das Familias nos Centros Cívicos de Nemenzo, Santa Marta e Sar.

Nestes Espazos poderán participar tódalas familias con crianzas menores de seis anos.

O concello de Santiago de Compostela asume a totalidade do custe do servizo, e as familias non terán que pagar ningunha cota.

Quen teña interese en participar debe apuntarse no se Centro Cívico ata o 18 de outubro. No caso de que se produzan mais solicitudes que prazas dispoñibles, o concello realizará un sorteo para decidir quen pode participar. Os Espazos comezarán a primeiros de Novembro. 

Podedes velo picando neste enlace.