No Domingo das Mozas, nenos, nenas e familias gozamos dos diferentes recantos de texturas para experimentar e aprender, como o recanto de area lunar, o recanto musical ou o recanto especial para bebés.
No patio do Seminario menor estivo a Asociación Socioeducativa Antonio Gandoy con esta proposta de aprendizaxe e goce conxunto, que chamamos "Toco, experimento e aprendo". Porque cantas máis posibilidades de experimentación lles proporcionemos aos nosos fillos e fillas, mellor os estaremos preparando para a vida.
O sentido do tacto é un dos primeiros sentidos que se desenvolve no ser humano. Os máis pequenos aprenden acerca do mundo a través do tacto. Por iso é importante axudar a desenvolvelo.
Ningún comentario:
Publicar un comentario