Visita a MUVICLA

 Comezamos o mes de maio coa visita, a MUVICLA (Museo Vivo e Integrado do Campo e da Locomoción Agraria), o pasado mércores, día 3.

O MUVICLA está situado na parroquia de Trasliste, concello de Láncara, na provincia de Lugo; e alí acudiron as participantes nos Espazos das Familias dos concellos de Baralla, Becerreá, O Corgo e Láncara, que coordina a nosa compañeira Gloria Pazó.

As nenas e os nenos gozaron coas explicacións que Marcos lles foi dando sobre a historia e o funcionamento dos tractores que no Museo se expoñen, así como das tarefas para as que foi construído cada un deles. Tamén poideron converterse por uns minutos en grandes tractoristas, e experimentar a sensación que produce subir en máquina tan grande e fachendosa; aínda que isto non o deben facer si o tractor está funcionando, e sempre deben estar acompañados por un adulto.

Foi unha tarde ben divertida e con moitas aprendizaxes. Grazas a Marcos e a toda a xente do MUVICLA polo ben que nos recibiron e trataron, e o moito que nos ensinaron

Esta actividade, coma todas as que realiza a Asociación socioeducativa Antonio Gandoy, non sería posible sen a achega económica que realizan as familias, a Deputación de Lugo, e os concellos nos que traballamos, neste caso os concellos de Baralla, Becerreá, O Corgo e Láncara

Volveremos en outra ocasión!