Aprobada subvención para o desenvolvemento do Espazo das Familias no concello de Becerreá

O concello de Becerreá ven de comunicarnos a concesión de unha subvención de 1.200 €,  para o desenvolvemento do Espazo das Familias nese concello.

Ao Espazo das Familias de Becerreá, durante o ano 2024, acudiron un total de 11 familias con crianzas entre 0 e 3 aos que comparten en cada encontro semanal as súas inquedanzas e preocupacións con respecto á difícil tarea de educar e poñen de manifesto o importante que é formarse para exercer unha parentalidade consciente e respectuosa e a necesidade que teñen/temos todas e todos de contar con un grupo ou comunidade de apoio neste camiño que supón a maternidade.

As familias se reúnen tódolos martes lectivos, en horario de tarde, no Telecentro de Becerreá e comparten un tempo de aprendizaxe e lecer que valoran moi positivamente.