O xoves 31 de outubro, Día do Ensino, terá lugar na sede da
Asociación socio-educativa Antonio Gandoy a actividade “O son que me arrola”, unha
proposta musical que ofrece a posibilidade de achegar aos máis cativos a
cultura tradicional galega, da man dos cantos de berce, retaílas, e a
instrumentación.
Dirixida a nenas e nenos menores de tres anos, e mais ás
súas familias, “O son que me arrola” ofrece tamén a posibilidade dun espazo
lúdico onde a familia pode experimentar e manipular os diferentes instrumentos
de percusión e outros realizados a partir de materiais de refugallo.
A actividade consta de dúas partes: a primeira dedicada á
escoita, que durará 20 minutos; a segunda dedicada á exploración dos
instrumentos ata un máximo de 1 hora.
Realizaranse dúas sesións para favorecer a participación de
tódalas familias interesadas: ás 11'30 e ás 16'30
Prégase confirmar
asistencia nos teléfonos 982-216-006 / 629-612-897/ 607-804-823
Esta actividade terá lugar o vindeiro día 31 de Outubro, en Garaballa de Arriba, 9 de
Lugo
(Se picas na imaxe, verás o tríptico informativo desta actividade)
Ningún comentario:
Publicar un comentario