23/06/2014

Esperámosvos na Festa Xogueteira

Este venres 26 de Xuño, en horario de 16:30 a 20:00. desenvolverase ás beiras do río Miño, detrás do Pazo de feiras e exposicións de Lugo a I Festa Xogueteira da Asociación Socio-educativa Antonio Gandoy. (En caso de que chova a actividade realizarase no pavillón do CEIP A Ponte, Lugo).

Queremos facer esta Festa coas familias que ao longo do curso participaron nos “Espazos das familias - Prescolar na Casa”, e tamén convidar a aquelas outras familias con nenos e nenas de 0-3 anos que queiran participar. 

A Festa Xogueteira é un tempo de ocio compartido entre nais/pais con fillos/as de 0-3 anos, onde participan tamén as orientadoras do proxecto educativo “Espazos das Familias-Preescolar na Casa”, encargándose do deseño das actividades e dos diferentes espazos de xogo. As actividades están dirixidas ao fomento da investigación e exploración con diferentes materiais, distribuídos en recantos de xogo ou zonas organizadas por temáticas.

As familias acompañarán aos seus fillos polos diferentes Espazos, seleccionando aqueles que máis lles gustan aos nenos/as, non existindo un tempo definido para permanecer en cada Espazo.

Teremos Espazos de construción, de motricidade, de música, de arte, de texturas, ..., Espazos de manipulación onde nenos, nenas e familias gozaremos da mellor das maneiras, aprendendo.

Convidámosvos a todos.


Ningún comentario:

Publicar un comentario