Baixo o lema “As
familias son imprescindibles no proceso educativo”, tivo lugar onte, ás beiras
do río Miño, a I Festa Xogueteira organizada pola Asociación Socio-educativa
Antonio Gandoy.
Nos diferentes
Espazos lúdicos, de xogo e creatividade déronse cita unha morea de nenos,
nenas, pais, nais, avós e avoas que gozaron en familia da posibilidade de experimentar
e manipular en múltiples situacións de aprendizaxe.
A Festa rematou
co concerto “O Son que me Arrola” a proposta musical da Asociación que ofrece a
posibilidade de achegar aos máis pequenos a cultura tradicional galega, da man
dos cantos de berce, rimas e a instrumentación.
A diversión, a
aprendizaxe e por suposto o tempo en común presidiron esta cita que a nós como
Asociación non fai máis que reafirmarnos no noso traballo en prol dunha
sociedade mellor e máis xusta a través da promoción da parentalidade positiva.
Na nosa páxina de
Facebook podes atopar varios álbumes de fotografías desta Festa Xogueteira:
Ningún comentario:
Publicar un comentario