O diario El Progreso dedica unha páxina a nosa Asociación,
recollendo o labor educativo deste curso que remata e avanzando o que vai ser o
próximo.
Dentro do compromiso que mentemos coa sociedade, e atendendo
á Misión, á Visión e aos Valores que guian o noso traballo, xunto cos
Principios que sempre temos presentes, tentamos defender e reivindicar a
importancia educativa da familia nos primeiros anos, compromenténdonos coa
lingua, a cultura, a contorna e o saber propios como bens imprescindibles para
o desenvolvemento da persoa.
Porque estamos fortemente convencidos de que a familia é
insubstituíble no proceso educativo da infancia, e que o fogar é o primeiro e
máis importante ambiente de aprendizaxe, queremos continuar con este traballo
que comezamos como Asociación no ano 2012, tentando que non se perdera o legado
educativo do aínda hoxe prestixioso programa Preescolar na Casa que se deixou
morrer despois de 35 anos de labor educativo recoñecido e aproveitado por
infinidade de persoas e institucións.
Agradecemos a todas as persoas, a todas as institucións, que
nestes tempos tan difíciles nos apoiaron, e animándoos a que o sigan facendo:
están tamen a contribuír a un mundo mellor para todos e todas.
GRAZAS a todos e FELIZ VERÁN.
Ningún comentario:
Publicar un comentario