Nos Espazos das Familias da Asociación
Socioeducativa Antonio Gandoy de Baralla e Santiago de Saa, celebramos o mes de
maio da mellor das maneiras: facendo uns maios.
Unha actividade moi
divertida na que conxugamos o amor pola natureza co respecto polas tradicións. Porque coñecer as tradicións e coñecer a nosa cultura fainos ser mellores persoas para
así respectar as culturas dos demais.
Un maio humano era un
mozo ou moza, ás veces disfrazado, que estaba adornado con flores, follas ou pólas e
cunha coroa de flores. Os demais cantaban e danzaban arredor del, o maio.
As orixes da festa
remóntanse ás antigas civilizacións prerromanas, como a celta. Esta festividade
celta marcaba o inicio do verán, cando os rabaños de gando eran levados cara
aos pastos de verán.
Ningún comentario:
Publicar un comentario