O día 28, de xuño a Asociación
Socioeducativa Antonio Gandoy desenvolverá unha Festa Xogueteira de fin de
curso no Concello de Castroverde.
Estades todos convidados.
Tamén, o sábado 2 de xullo,
estaremos no Concello de Frades, na Área Recreativa Os Pasos-Alazo, con esta
mesma actividade.
A Festa Xogueteira da Asociación Socioeducativa Antonio Gandoy é un espazo e
un tempo de ocio compartido entre nais e pais con nenos e nenas de 0-3 anos. Trátase
dunha xornada de aprendizaxe estruturada por Espazos onde os máis pequenos
poden desenvolver diferentes capacidades.
As orientadoras do proxecto
educativo “Espazos das Familias” da Asociación Socioeducativa Antonio Gandoy,
encárganse do deseño das actividades e dos diferentes Espazos de xogo.
As diferentes actividades lúdicas
están dirixidas ao fomento da investigación e exploración con diferentes
materiais, distribuídos en recantos de xogo ou zonas organizadas por temáticas.
Entre os diferentes Espazos,
atoparemos Espazos de construción, de motricidade, de música, de arte, de diferentes
texturas, ..., Espazos de manipulación para que nenos, nenas e familias gocen
da mellor das maneiras, aprendendo.
Así, as familias acompañarán aos
seus fillos polos diferentes Espazos, non existindo un tempo definido para
permanecer en cada Espazo.
Ningún comentario:
Publicar un comentario