O concello de Becerreá ven de comunicarnos a concesión, un ano máis, dunha subvención por importe de 1.200 euros para o desenvolvemento do Espazo das Familias nese concello durante o ano 2020; este Espazo é cofinanciado entre o concello, a Deputación Provincial e as familias participantes.
Participan familias con crianzas menores de tres anos que se reúnen tódolos mércores pola mañá para reflexionar sobre a importante tarefa de educar e para compartir tempos e espazos con outras familias.
O despoboamento que sufrimos no noso rural tamén se nota na participación das familias nos Espazos, que non serían economicamente viables sen a colaboración dos concellos.
Por iso estamos moi agradecidas ao concello de Becerreá por seguir colaborando para que as familias teñan acceso a unha actividade que lles axude na práctica de unha parentalidade positiva coas súas crianzas.
Ningún comentario:
Publicar un comentario