A Asociación Socioeducativa Antonio Gandoy, no firme convencemento da importancia da familia e da educación no benestar das persoas e das sociedades, está a preparar o comezo de curso máis estrano dos vividos ata de agora.
En palabras de UNICEF, "a educación non só forma parte dos esforzos básicos de recuperación senón que é a semente da oportunidade para o futuro, a ocasión de “reconstruír mellor”.
A actividade principal da Asociación, os Espazos das Familias constitúen un lugar e un tempo de encontro para a formación de nais e pais con nenos e nenas de 0 a 3 anos. Alí, profesionais da Asociación Socio-educativa Antonio Gandoy (mestres, pedagogos e psicólogos con ampla traxectoria educativa en Preescolar na Casa), deseñan actividades dirixidas a reforzar as competencias parentais, así como a dar resposta ás diferentes necesidades das nenas e dos nenos.
Estamos a traballar na confección dun protocolo de actuación nestes tempos de COVID para garantir a volta segura aos Espazos das Familias e recuperar asi oportunidades de crecemento e apoio para as familias nestes momentos tan díficiles de medos e incertezas.
Manterémosvos informados.
Ningún comentario:
Publicar un comentario