Comeza un novo curso

Como cada mes de setembro, dende a Asociación Socioeducativa Antonio Gandoy retomamos o labor de orientación ás familias con nenos e nenas de 0 a 6 anos, coa misión de contribuír a crear unha cultura da infancia e reforzar a competencia educativa familiar.

Invitamos a todas e todos os interesados en seguirnos, a que o fagan a través dos diversos medios dos que dispoñemos: a través desta web, da nosa conta de facebook ou poñéndose en contacto connosco por teléfono ou no noso local (ver contacta).

Recordámoslles que a Asociación Socioeducativa Antonio Gandoy é unha entidade sen ánimo de lucro, que conta con profesionais do ámbito educativo, e que ofrece espazos para que as familias compartan un tempo de calidade cos fillos e con outras familias, espazos nos que están acompañados dun profesional da Asociación que orienta e facilita información e formación sobre os diferentes aspectos relacionados coa educación dos fillos e fillas (ver que facemos).

Pese a ser tempos difíciles, trataremos de insistir na nosa misión, pioneira e referente a nivel social e educativo, e continuadora do traballo que viña desenvolvendo Preescolar na Casa, co fin de axudar ás familias a exercer unha parentalidade positiva.

Os concellos nos que comezamos este curso son:

Castroverde

O Corgo

Rábade

Lugo

Quiroga

Monforte

Baralla

Baleira-O Cádavo

Frades

Mesía

Aranga

Curtis

 Ordes 

Si estás interesado ou interesada en participar nalgún destes Espazos xunto co teu fillo ou filla, ponte en contacto connosco (si foses doutro concello diferente ponte en contacto connosco igualmente para tentar artellar algún Espazo nese concello ou noutro próximo.