Un dos
obxectivos da Asociación Socioeducativa Antonio Gandoy, como era de Preescolar
na Casa, é o de recuperar tradicións. As tradicións son importantes porque
transmiten valores compartidos e historias dunha xeración á seguinte. Así compartimos
unha identidade colectiva que serve para dar forma ás identidades individuais.
Neste marco, a
Asociación, xunto con Semente Lugo, A Mesa pola Normalización Lingüística, CS Mádia Leva, a Volta do Agro, Cantigas e Frores, O Xeito, Troupelear, Tradescola, estará o próximo 21 de decembro
co Apalpador na Praza Maior de Lugo, nunha tarde
chea de actividades e sorpresas, música, contos e
obradoiros para compartir en familia.
Esperámosvos nunha tarde de festa que será posible grazas a colaboración das Areas de Cultura da Deputación e o Concello de Lugo, así como as librarías Trama e Biblos e a Biblioteca Municipal de Lugo.
O Apalpador é
un personaxe das zonas do este de Galicia, que baixa as noites do 24 e do
31 de decembro a tocar o ventre aos nenos e nenas para ver se comeron o
suficiente durante o ano, deixando castañas, algún agasallo e desexándolles que
teñan un feliz aninovo cheo de felicidade e de comida. Represéntase coa figura
dun carboeiro, de barriga xenerosa, grandes bigotes e barba, con boina, e vestido cunha chaqueta e un pantalón vellos.
Ningún comentario:
Publicar un comentario